ՏԵՍԱՆՅՈՒԹ․ Ուկրաինական պատվիրակության անդամները փորձել են խափանել ռուսների ելույթը
Ուկրաինայի Գերագույն Ռադայի անդամները Անկարայում Սեւծովյան տնտեսական համագործակցության խորհրդարանական վեհաժողովի (ՍԾՏՀԽ) գագաթնաժողովում փորձել են խափանել ռուսական պատվիրակության ելույթը։ Այս մասին հայտնում է Ռուսաստանի Դաշնային ժողովի մշտական պատվիրակության ղեկավար Օլգա Տիմոֆեևան։
«Ռուսական պատվիրակության ելույթի ժամանակ ուկրաինական պատվիրակությունը փորձեց խափանել այն։ Այն, ինչ արեցին ուկրաինացիները, նման էր կրկեսի», - մեջբերում է ՏԱՍՍ-ը նրա խոսքերը:
Տիմոֆեևան ընդգծել է, որ ուկրաինական պատվիրակությանը չի հաջողվել իրականացնել իր ծրագրերը։
«Թուրքիայի խորհրդարանի նախագահ Մուստաֆա Սենթոփը փորձել է դադարեցնել տեղի ունեցողը և ցուցարարներին հեռացնել դահլիճից»,- ասել է նա։
Դեկտեմբերին հաղորդվեց, որ Ռուսաստանը Կիևի հարձակումների պատճառով որոշում է կայացրել դադարեցնել ՍԾՏՀ ԽՎ-ին մուծումների վճարումը։
