ՏԵՍԱՆՅՈՒԹ․ Քարշակի միջոցով գողացել են 12 մլն ռուբլի արժողությամբ Lamborghini մեքենան․ ՌԴ
Մոսկվայի ավտոկայանատեղիներից մեկում գողացել են Lamborghini Murcielago մակնիշի ավելի քան 12 մլն ռուբլի արժողությամբ ավտոմեքենա, հայտնում է ՌԴ ՆԳՆ մամուլի ծառայությունը։ Փոխանցում է Комсомольская правда տելեգրամայն ալիքը։
«Տղամարդը ավտոկայանատեղի պահակին ցույց է տվել մեքենայի կեղծ փաստաթղթերը, որից հետո այն բարձել է քարշակի վրա և տարել։ Նա պատրաստվում էր օտարերկրյա մեքենա վաճառել, սակայն մի քանի ժամ անց նրան բերման են ենթարկել Մոսկվայի մարզի տարածքում»,- ասված է հաղորդագրության մեջ։
Այժմ մեքենան վերադարձվել է տիրոջը, կասկածյալը ձերբակալվել է, նրա դեմ քրեական գործ է հարուցվել։
