Սիմոնյանը Թուրքիայում բարձրացնելու է ՀՀ-ից դեպի երրորդ երկրներ թռիչքների արգելքի հարցը
ՔՊ պատգամավոր Սարգիս Խանդանյանը լրագրողների հետ խոսել է Թուրքիայի օդային տարածքը հայկական ավիափոխադրողների համար բացվելու մասին` նշելով, որ այս հարցի շուրջ պետք է աշխատանք տարվի:
«ՀՀ ԱԺ նախագահ Ալեն Սիմոնյանն այժմ Անկարայում է, պետք է հանդիպի Թուրքիայի խորհրդարանի ղեկավարի հետ։ Բարձրացնելու է այդ հարցը նաև այս մակարդակում։ Այս պահին իրական խնդիրն այն է, որ Հայաստանի ավիափոխադրողները չեն կարողանում Թուրքիայի օդային տարածքով իրենց գործունեությունը ծավալել», - նշել է Սարգիս Խանդանյանը։
Այսօր ավելի վաղ Թուրքիայի արտգործնախարար Մևլյութ Չավուչօղլուն ասել էր, որ Թուրքիան հայկական օդանավերի համար փակել է իր օդային տարածքը «Նեմեսիս» արձանը Երևանում տեղադրելու պատճառով։
