«Մեր նպատակն է երաշխավորել Հայաստանի, հայերի իրավունքները»․ Չեխիայի վարչապետ

«Չեխիան կարող է աջակցել և կաջակցի խաղաղության նախաձեռնություններին և այն ջանքերին, որոնք տարածաշրջանում կայունություն կբերեն», - հայտարարել է Չեխիայի վարչապետ Պետր Ֆիալան՝ Հայաստանի վարչապետ Նիկոլ Փաշինյանի հետ համատեղ ասուլիսի ժամանակ։

Նա նշել է, որ Հայաստանի և Ադրբեջանի տարածքային ամբողջականության և ինքնիշխանության ճանաչումը հիմնարար նշանակություն ունի. «Այստեղ Պրահայում քայլ արվել է։ Դա պատմական հանգրվան կարելի է համարել երկու երկրների հարաբերություններում»։

Ըստ նրա՝ իրավիճակին չէր նպաստի, եթե ինքը գնահատեր, թե «ով ինչն է խախտում»։ Ֆիալայի խոսքով՝ իրենց նպատակն է հասնել տարածաշրջանում կայունության և տևական խաղաղության. «Սա նշանակում է երաշխավորել Հայաստանի, հայերի իրավունքները»։