Հայաստանի և Ադրբեջանի հակամարտությունը ռազմական լուծում չունի. Վեդանտ Պատել
Մենք հավատում ենք, որ Հայաստանի և Ադրբեջանի հակամարտությունը ռազմական լուծում չունի, որ դիվանագիտական ուղիղ երկխոսությունն է լուծման ճանապարհը: Այս մասին հայտարարել է ԱՄՆ պետքարտուղարի փոխխոսնակ Վեդանտ Պատելը։
«Այդ պատճառով էլ պատրաստակամությամբ հյուրընկալել ենք նախարարներին։ ԱՄՆ պաշտոնյաները շարունակում են խորապես ներգրավված լինել գործընթացում»,– ասել է ԱՄՆ պետքարտուղարի փոխխոսնակը։
Նշենք, որ ԱՄՆ-ն ողջունում է Հայաստանի և Ադրբեջանի առաջընթացը բանակցություններում և խրախուսում շարունակական երկխոսությունը, նշված է ԱՄՆ նախագահի՝ ազգային անվտանգության հարցերով խորհրդական Ջեյք Սալիվանի թվիթերյան գրառման մեջ։
