![Վրաստանի ՊՆ-ն չի մասնակցի «Defender-23» զորավարժություններին](https://auroranews.am/storage/img/base_image/old/683df7ddf6418bdc2243f4d4b49f59e2.webp)
Վրաստանի ՊՆ-ն չի մասնակցի «Defender-23» զորավարժություններին
![Վրաստանի ՊՆ-ն չի մասնակցի «Defender-23» զորավարժություններին](https://auroranews.am/storage/img/base_image/old/683df7ddf6418bdc2243f4d4b49f59e2.webp)
Վրացական կողմն այս տարի չի մասնակցի «Defender-23» բազմազգ զորավարժություններին,։ Այս մասին հայտնում է РИА Новости-ն՝ հղում անելով երկրի պաշտպանության նախարարությանը։
«Ելնելով պաշտպանության ուժերի նպատակներից և խնդիրներից` մեր հիմնական ռազմավարական գործընկերոջ հետ ակտիվ շփման միջոցով որոշվել է ավելի շատ ջանք և ռեսուրս ուղղել այնպիսի միջազգային և ազգային զորավարժություններին, որոնք ծառայում են նշված նպատակներին, այդ թվում՝ մարտական պատրաստվածության բարձրացմանը, ՆԱՏՕ-ի անդամ և գործընկեր երկրների հետ օպերատիվ համատեղելիության ավելացմանը, փորձի փոխանակմանը և մասնագիտական հմտությունների կատարելագործմանը»,- հայտարարել են Վրաստանի ՊՆ-ում:
Նախարարությունում նշել են, որ ամեն տարի անցկացվում են Վրաստանի և ԱՄՆ-ի համատեղ լայնածավալ բազմազգ զորավարժություններ, ինչպիսիք են «Noble Partner»-ը և «Agile Spirit»-ը։