Ուկրաինայում հակամարտությունն այս տարի չի ավարտվի․ ԱՄՆ ԶՈւ միացյալ շտաբի պետ
ԱՄՆ զինված ուժերի շտաբների պետերի միացյալ շտաբի (JCHS) նախագահ, գեներալ Մարկ Միլին կարծում է, որ Ուկրաինայում հակամարտությունը դժվար թե ավարտվի 2023 թվականին։ Այս մասին նա ասել է Foreign Affairs ամսագրին տված հարցազրույցում։
«Կարծում եմ, որ կողմերից որևէ մեկի համար իր քաղաքական նպատակներին հասնելը, իսկ պատերազմը նշանակում է քաղաքական նպատակներին հասնել ռազմական ճանապարհով, շատ դժվար, շատ դժվար կլինի։ Եվ անկեղծ ասած, ես չեմ կարծում, որ հնարավորություն կա, որ դա տեղի կունենա այս տարի»,- ասել է Միլին։
Ավելի վաղ Միլին և Ուկրաինայի Զինված ուժերի գլխավոր հրամանատար Վալերի Զալուժնին հեռախոսազրույցում քննարկել են հակամարտության ընթացքը և իրավիճակի վերաբերյալ գնահատականներ փոխանակել։ Զրույցի ընթացքում Միլլին և Զալուժնին վերանայել են ռազմական գործողությունների ընթացքը։ Նրանք նաև մտքեր են փոխանակել մարտական գործողությունների հեռանկարների և առճակատման գծում տիրող իրավիճակի վերաբերյալ իրենց գնահատականների շուրջ։
