Մեկ օրվա ընթացքում 15 երկրաշարժ է գրանցվել Կամչատկայում
Մեկ օրվա ընթացքում Կամչատկայի արևելքում գտնվող Շիվելուչ հրաբխի տարածքում 4,2 մագնիտուդ հզորությամբ 15 երկրաշարժ է գրանցվել։ Այս մասին ասվում է ՌԴ ԳԱ երկրաֆիզիկական ծառայության Կամչատկայի մասնաճյուղի կայքում, փոխանցում է kommersant.ru-ն։
Տվյալներից հետևում է, որ բոլոր ցնցումները գրանցվել են Ուստ-Կամչատսկ գյուղից 80-ից 90 կմ հեռավորության վրա ։ Շիվելուչ գործող հրաբուխը գտնվում է գյուղից 87 կմ հեռավորության վրա։
Մինչդեռ ՏԱՍՍ-ը հավելում է, որ Կամչատկայում այսօր գրանցվել է Շիվելուչ հրաբխից մինչև 3,5 հազար մետր բարձրությամբ մոխրի սյան արտանետում։
