ՏԵՍԱՆՅՈՒԹ. ՀՀ զինված ուժերի գլխավոր շտաբի պետը` սահմանային իրավիճակի մասին

«Սահմանային իրադրությունը ներկա դրությամբ գնահատում եմ հարաբերական կայուն, բայց հակառակորդի կողմից Սյունիքի, Գեղարքունիքի ուղղություններում գրանցվում են հրադադարի ռեժիմնի խախտումներ, ընդ որում՝ խախտման նպատակը իրավիճակը միշտ լարված պահելն է, բայց այն մեր կողմից գտնվում է հսկողության տակ»,- այս մասին Ջերմուկում լրագրողների հետ ճեպազրույցում ասել է Հայաստանի զինված ուժերի գլխավոր շտաբի պետ Էդվարդ Ասրյանը: 

Նա անդրադարձել է նաև Տեղ գյուղի հատվածում ստեղծված իրավիճակին.

«Տեղի ուղղությամբ, այո՛, հակառակորդի հետ ՀՀ ԶՈՒ-ն արդեն իսկ գտնվում է շփման պայմաններում, ունենք նաև ստեղծված մեր առաջնագիծը, դիրքային համակարգը, կատարելագործում ենք, բարելավում, օր օրի իրականացնում ենք համապատասխան աշխատանքներ՝ է՛լ ավելի բարելավելու հակառակորդի նկատմամբ որոշ ուղղություններում նաև առավելություն ստանձնելու ուղղությամբ»:

Մանրամասները` տեսանյութում: