Ռուսական բանակը հարձակում է իրականացրել Դնեպրոպետրովսկի շրջանի Պավլոգրադ քաղաքի վրա։ Վնասվել է արդյունաբերական ձեռնարկություն, 19 բարձրահարկ շենք, 25 առանձնատուն, 6 կրթօջախ, 5 խանութ. տուժել է 34 մարդ: Տուժածների թվում 5 երեխա կա, այս մասին հայտնում են ուկրաինական լրատվամիջոցները:

Ուկրաինացի զինվորականների տվյալներով՝ 18 թևավոր հրթիռ է արձակվել, դրանցից 15-ը խոցվել են։ Կիևի իշխանությունները հայտնում են, որ մայրաքաղաքի օդային տարածքում ոչնչացվել են ռուսական բոլոր հրթիռներն ու անօդաչու թռչող սարքերը։