Քաղաքականություն

«Պահպանվում է լարվածությունը Հայաստանի և Ադրբեջանի միջև». ՀԱՊԿ գլխավոր քարտուղար

«Պահպանվում է լարվածությունը Հայաստանի և Ադրբեջանի միջև». ՀԱՊԿ գլխավոր քարտուղար
Հայաստանի և Ադրբեջանի միջև առկա հակասությունների պատճառով Հարավային Կովկասի տարածաշրջանում լարվածությունը պահպանվում է։ Այս հայտարարությունն արել է Հավաքական անվտանգության պայմանագրի կազմակերպության…

Հայաստանի և Ադրբեջանի միջև առկա հակասությունների պատճառով Հարավային Կովկասի տարածաշրջանում լարվածությունը պահպանվում է։ Այս հայտարարությունն արել է Հավաքական անվտանգության պայմանագրի կազմակերպության գլխավոր քարտուղար Իմանգալի Տասմագամբետովը՝ ելույթ ունենալով ՀԱՊԿ-ի միացյալ շտաբի 20-ամյակի կապակցությամբ կազմակերպված միջոցառմանը։

 

Նրա խոսքով` աշխարհում աճում է հակամարտությունների ներուժը, ինչի բացասական ազդեցությունը զգացվում է Հավաքական անվտանգության պայմանագրի կազմակերպության սահմանների ողջ երկայնքով։

 

«Աշխարհը վերադառնում է առճակատման ժամանակաշրջան՝ հակամարտությունների ներուժի մեծացման հեռանկարով։ Բացասական միտումներն անմիջական ազդեցություն են ունենում ՀԱՊԿ սահմանի ամբողջ երկայնքով ստեղծված իրավիճակի վրա»,- ասել է նա։

 

ՀԱՊԿ գլխավոր քարտուղարն ընդգծել է, որ միջազգային հարաբերություններն այժմ խոր վերափոխման են ենթարկվում, փոխվում են տասնամյակներ շարունակ հաստատված աշխարհակարգի հիմքերը։

 

ՀԱՊԿ-ում ընդգրկված է վեց պետություն՝ Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը։ Կազմակերպությունն ավելի վաղ բազմիցս հայտարարել է, որ պատրաստ է առաքելություն ուղարկել Հայաստան և նրան ռազմատեխնիկական օգնություն ցուցաբերել։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250