Պրիգոժինն ասել է, թե երբ կլինի Ուկրաինայի հակագրոհը
«Վագներ» մասնավոր ռազմական ընկերության հիմնադիր Եվգենի Պրիգոժինը հայտնել է, որ Բախմուտում (ուկրաինական Արտեմիվսկի անվանումը) ներկայումս «արյունալի մարտ» է ընթանում։
Նրա խոսքով, այսօր Բախմուտ են ուղարկվում Ուկրաինայի զինված ուժերի լավ զինված ստորաբաժանումները։
«Եթե նախկինում ասում էի, որ վարձկանները քիչ են, ապա հիմա նրանց թիվը հսկայական է»,- ասել է Պրիգոժինը։
Եվգենի Պրիգոժինը նաև ասել է, որ ուկրաինական բանակն, ամենայն հավանականությամբ, մայիսի 2-ից հետո կանցնի հզոր հակագրոհի:
«Ի՞նչ է հիմա կատարվում: Անձրևներ են, վերջինն, ըստ օդերևութաբանների, կտեղա մայիսի 2-ին, ապա մի քանի օր է պետք, որ քամին հողը չորացնի: Դրանից հետո նրանք (ուկրաինացի զինծառայողները) կարող են առաջ շարժվել», - ասել է Պրիգոժինը:
«Վագներ» մասնավոր ռազմական ընկերության հիմնադիրը նաև վերստին դատապարտել է Ռուսաստանի բանակի ղեկավարներին, ասելով, թե վագներականները հարկ եղած չափով զինամթերք չեն ստանում:
