ՊՆ-ն՝ ապրիլի 13-ին վիրավորված զինծառայողի առողջական վիճակի մասին
ՊՆ-ից հայտնել են ապրիլի 13-ին վիրավորված զինծառայողի առողջական վիճակի դրական դինամիկայի մասին:
«Զինծառայողի վիճակն արդեն գնահատվում է միջին ծանրության, կյանքին վտանգ չի սպառնում»,-Armenia Today-ին հայտնել է ՊՆ խոսնակ Արամ Թորոսյանը։
Ավելի վաղ ՊՆ-ն հայտնել էր, որ նախնական տվյալներով՝ զինծառայող Գ.Ս. – ն հրազենային վնասվածքն ստացել է ապրիլի 13-ին՝ իրեն ամրակցված զենքից: Ավելի ուշ Քննչական կոմիտեն հայտնել էր զինվորի վիրավորվելու փաստի առթիվ քրեական գործ հարուցելու մասին։
Ըստ ՔԿ – ի՝ նա գլխի շրջանում հրազենային վնասվածքն ստացել է ապրիլի 13-ին՝ մարտական դիրքում իրեն ամրակցված զենքից։ Զինծառայողը տեղափոխվել է կայազորային հոսպիտալ, նրա վիճակը գնահատվել է ծանր:
