«Կիևը օրինական իրավունք ունի ոչնչացնել այն ամենը, ինչ գտնվում է զավթված Ղրիմի, Դոնեցկի, Լուգանսկի, Խերսոնի և Զապորոժիեի շրջաններում»․ այսպես է Ուկրաինայի նախագահի աշխատակազմի ղեկավարի խորհրդական Պոդոլյակը մեկնաբանել է «The Washington Post»-ի հոդվածը, ըստ որի՝ Ուկրաինայի զինված ուժերը 2023թ․ փետրվարի 24-ին, ռուսական լայնամասշտաբ ներխուժման տարելիցի օրը, պատրաստվում էին հարված հասցնել Մոսկվային։ 

Պենտագոնի արտահոսքի համաձայն՝ Ուկրաինայի ՊՆ հետախուզության գլխավոր վարչությունը Միացյալ Նահանգների խնդրանքով համաձայնել է փոխել այդ պլանները։

«Մենք ունենք այլ առաջնահերթ նպատակներ, այն, ինչ մեզ երաշխավորում է միջազգային իրավունքը։ Մենք օրինական իրավունք ունենք ոչնչացնել այն ամենը, ինչ գտնվում է Ղրիմի, Լուգանսկի, Դոնեցկի, Զապորոժիեի և Խերսոնի շրջանների տարածքում։ Մեր դեմ ոչ մի իրավական պահանջ չկա»,- նշել  է Պոդոլյակը։