ԱՄՆ միջուկային սուզանավերը 40 տարվա մեջ առաջին անգամ կկառանվեն Հարավային Կորեայում
ԱՄՆ նախագահ Ջո Բայդենը և Հարավային Կորեայի նախագահ Յուն Սեոկ Յոլը համաձայնագիր կստորագրեն, որը մասամբ ներառում է ԱՄՆ միջուկային սուզանավերը հարավկորեական նավահանգիստներ ուղարկելու ծրագիր՝ ավելի քան 40 տարվա ընթացքում առաջին անգամ, չորեքշաբթի հաղորդում է Associated Press-ը։
Բայդենի վարչակազմի բարձրաստիճան պաշտոնյաների խոսքով՝ սուզանավային ստորաբաժանումը լինելու է «Վաշինգտոնի հռչակագրի» հիմնական տարրը, որն ուղղված է Հյուսիսային Կորեայի զսպմանը։
Գործակալության զրուցակիցները նշել են, որ երկու նախագահների օգնականները մի քանի ամիս աշխատել են պլանի մանրամասների վրա և համաձայնել են, որ «ուժի հստակ ցուցադրումը» և ԱՄՆ-ից զսպող կարողությունները պետք է լինեն համաձայնագրի կարևոր մասը։
ԱՄՆ-ը և Հարավային Կորեան ծրագրում են նաև ուժեղացնել միջուկային արձագանքման ռազմավարության համակարգումը ԿԺԴՀ-ի կողմից հարձակման դեպքում: Նշվում է, որ ԱՄՆ-ն օպերատիվ վերահսկողություն է ունենալու բոլոր սպառազինությունների նկատմամբ, իսկ միջուկային զենք չի տեղակայվի Հարավային Կորեայի տարածքում։
