Կիևը փորձել է երեք անանձնակազմ մոտորանավակներով հարձակվել Սևաստոպոլում նավատորմի տեղակայման կետի վրա․ ՌԴ ՊՆ
Կիևի ռեժիմը փորձել է սեւծովյան նավատորմի վրա գրոհել երեք անանձնակազմ մոտորանավակներով։ Այս մասին հայտարարել է Ռուսաստանի պաշտպանության նախարարության պաշտոնական ներկայացուցիչ, գեներալ-լեյտենանտ Իգոր Կոնաշենկովը։
«Այսօր Մոսկվայի ժամանակով ժամը 3:30-ի սահմաններում Կիևի ռեժիմը փորձ է արել Սեւաստոպոլ քաղաքում սեւծովյան նավատորմի տեղակայման կետի վրա հարձակվել երեք անանձնակազմ արագընթաց մոտորանավակներով»,-նշել է Կոնաշենկովը:
Ռուսաստանի պաշտպանության նախարարության պաշտոնական ներկայացուցչի խոսքով՝ հակահետախուզական ուժերը Սեւաստոպոլի ծովախորշին մոտենալիս ոչնչացրել են հակառակորդի բոլոր անանձնակազմ մոտորանավակները: «Կորուստներ չկան»,-ասել է նա։
