Սիրիայի ԱԳՆ-ն ԱՄՆ-ից փոխհատուցում է պահանջում

Սիրիայի ԱԳՆ-ն հայտարարություն է տարածել՝ կոչ անելով միջազգային հանրությանը վերջ տալ ԱՄՆ-ի և նրա հարակից պարագլուխների կողմից իր բնական ռեսուրսների համակարգված թալանին։ Այս մասին հայտնում է ՏԱՍՍ-ը։

«Սիրիան դատապարտում է ԱՄՆ-ի օկուպացիոն ուժերի գործողությունները և պահանջում է փոխհատուցել երկրի հյուսիս-արևելքում գտնվող հանքավայրերից նավթի անօրինական արտահանման հետևանքով պատճառված տնտեսական վնասը», - ասվում է գործակալության հայտարարության մեջ:

Հայտարարությունում ասվում է, որ «սիրիական ժողովրդին պատկանող բնական ռեսուրսների թալանը հակասում է միջազգային մարդասիրական իրավունքին, ինչը հանգեցնում է քաղաքացիների աղքատացմանն ու տառապանքին»։