Քաղաքականություն

«Մարգարա» անցակետի տարածքը փոխանցվել է ՊԵԿ-ի տնօրինությանը

«Մարգարա» անցակետի տարածքը փոխանցվել է ՊԵԿ-ի տնօրինությանը
Մարգարա գյուղի անցակետի տարածքը փոխանցվել է Հայաստանի պետեկամուտների կոմիտեի տնօրինությանը։ Այս մասին գրում է SputnikԱրմենիան։  Պետեկամուտների կոմիտեն դիմել է Մեծամոր համայնքի ավագանուն…

Մարգարա գյուղի անցակետի տարածքը փոխանցվել է Հայաստանի պետեկամուտների կոմիտեի տնօրինությանը։ Այս մասին գրում է SputnikԱրմենիան։ 

 

Պետեկամուտների կոմիտեն դիմել է Մեծամոր համայնքի ավագանուն, որպեսզի Մարգարա գյուղում գտնվող և համայնքի գույք համարվող անշարժ գույքը նվիրատվության միջոցով հանձնվի ՊԵԿ-ին:

 

Ինչպես լրատվականին հայտնել են Մեծամորի համայնքապետարանից (Մարգարա գյուղը Մեծամոր համայնքին է պատկանում), տարածքը ՊԵԿ-ի տնօրինությանը հանձնելու մասին որոշումը կայացվել է դեռևս փետրվարի 17-ին: Սակայն այդ ամենը դեռ պետք էր փաստաթղթավորել և հաստատել։

Գործընթացն ավարտվել է մարտի վերջին։

 

«Տեղեկացնում եմ, որ 2023 թվականի մարտի 30-ին Հայաստանի Հանրապետության Արմավիրի մարզ, Մեծամոր համայնք, Մարգարա գյուղում գտնվող (անցումային կետ) անշարժ գույքի և դրա օգտագործման ու սպասարկման համար անհրաժեշտ հողամասերը նոտարական վավերացմամբ ամրացվել են ՀՀ պետական եկամուտների կոմիտեին, և պետական եկամուտների կոմիտեն Հայաստանի Հանրապետության Կադաստրի կոմիտեից ստացել է անշարժ գույքի նկատմամբ իրավունքների պետական գրանցման վկայականները»,- ասված է հայտարարության մեջ։

 

Հարցին, թե երբ «Մարգարա» անցակետը պատրաստ կլինի շահագործման, կոմիտեից պատասխանել են, որ աշխատանքները սկզբնական փուլում են:

 

 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250