ԱՄՆ-ն Կիևին առաջարկել է թողնել Բախմուտը` ըստ գաղտնի փաստաթղթերի
ԱՄՆ-ն Ուկրաինային զգուշացրել է Արտյոմովսկում նրա զորքերի հնարավոր շրջափակման մասին և առաջարկել է թողնել այն։ Տեղեկությունը հայտնում է «Washington Post»-ը՝ հղում անելով ամերիկյան հետախուզության՝ համացանցում հայտնված գաղտնի փաստաթղթերին:
Թերթը հավաստիացրել է, որ Միացյալ Նահանգները դեռ հունվարին Կիեւի իշխանություններին ասում էր, որ Ուկրաինայի Զինված ուժերը շուտով շրջապատվելու են ռուսական զորքերի կողմից։ Հրապարակման մեջ նշվել է, որ ռուսական բանակի «անշեղ» առաջխաղացումը 2022թ. նոյեմբերից «սպառնալիքի առջեւ է կանգնեցել» քաղաքը պահելու ուկրաինական զինուժի հնարավորությունը։
Ըստ պարբերականի՝ ԱՄՆ-ում ենթադրել են, որ Ուկրաինայի ԶՈւ-ն շրջապատման մեջ կհայտնվի այն դեպքում, եթե զորքերը դուրս չբերվեն փետրվարի ընթացքում։ The Washington Post-ը նշել է, որ Ուկրաինայի իշխանություններն անտեսել են այս նախազգուշացումները։
Բացի այդ, հրապարակումներում նշվել է, որ Միացյալ Նահանգները խորհուրդ է տվել Ուկրաինային Ռուսաստանի Դաշնության Զինված ուժերի դեմ ուղարկել «երկակի նշանակության բարելավված սովորական զինամթերքներ»:
