ՏԵՍԱՆՅՈՒԹ. ՀԱԿ-ը վաղուց կորցրել է իր քաղաքական կշիռը. Սիմոնյան

ՀԱԿ-ը վաղուց կորցրել է իր քաղաքական կշիռը: Այս մասին  Ազգային ժողովում լրագրողների հետ զրույցում ասել է  ԱԺ նախագահը:

«Յուրաքանչյուր նախաձեռնություն, նույնիսկ իմ հրաժարականի հետ կապված, արդեն առիթ կարող  է ստեղծել, որ ակտիվանան: Ես ուրախ եմ, որ իրենց էլ առիթ եմ տվել, որ քաղաքական ակտիվության թեմա գտնեն»,- նշել է Սիմոնյանը:

Սիմոնյանը ՀԱԿ–ին շնորհավորել է լուսանցքից դուրս գալու այդ տարբերակն ընտրելու համար և «ցավով» նշել, որ նրանք կմնան լուսանցքում։

Հարցին, թե թիմի ներսում քննարկվում է Սիմոնյանի հրաժարականի հարցը, վերջինս բացասական պատասխան տվեց` վստահեցնելով, որ միջադեպից հետո քաղաքական թիմում իր հանդեպ վերաբերմունքի փոփոխություն չի եղել։ Սիմոնյանի կարծիքով` նման լուրեր են տարածում այն մարդիկ, որոնք ուզում են իրենց իշխանությունը թուլացնել։ Նրա խոսքով` սովոր է անընդհատ գտնվել խոշորացույցի տակ, չնայած արդեն հոգնել է։

Նա կարծում է, որ ՀԱԿ-ն ակտիվանալու համար կարող էր այլ հարթակ ստեղծել, օրինակ՝ Լաչինի միջանցքի հետ կապված ինչ-որ հարթակ ստեղծել՝ օգտագործելով միջազգային նախկին փորձը: «Ցավում եմ, բայց իրենք կմնան լուսանցքում», - ընդգծել է ԱԺ նախագահը:

Մանրամասները` տեսանյութում: