Ինչ են քննարկել Շոյգուն և Չինաստանի պաշտպանության նախարարը
Ռուսաստանի պաշտպանության նախարար Սերգեյ Շոյգուն երեքշաբթի բանակցություններ է վարել իր չինացի գործընկեր Լի Շանֆուի հետ։ Известия-ն մանրամասներ է ներկայացնում Ռուսաստանի Դաշնության եւ Չինաստանի Ժողովրդական Հանրապետության նախարարների կնքած պայմանագրերի մասին։
Ինչպես հայտնի է դարձել, հանդիպման ընթացքում պաշտպանական գերատեսչությունների ղեկավարները փոխըմբռնման հուշագիր են ստորագրել ՌԴ Գլխավոր շտաբի ռազմական ակադեմիայի և Չինաստանի Ժողովրդաազատագրական բանակի պաշտպանության ազգային ակադեմիայի միջև։
«Ռուս-չինական համապարփակ գործընկերությունը և ռազմավարական փոխգործակցությունը գտնվում են ամենաբարձր մակարդակի վրա, դրանք պետք է զարգացնել՝ միմյանց ուժեղ աջակցություն ցուցաբերելով, այդ թվում՝ ազգային անվտանգության հարցերում», - ասել է Շոյգուն։
Չինաստանի Ժողովրդական Հանրապետության պաշտպանության նախարարն իր հերթին ասել է, որ Ռուսաստանի և Չինաստանի իշխանությունների համագործակցությունն օգնում է նվազեցնել լարվածությունը և ավելի կայուն է դարձնում իրավիճակը աշխարհում։ Նա նաև նշել է, որ նա Մոսկվան ընտրել է որպես իր առաջին արտասահմանյան այց հատուկ Ռուսաստանի հետ Չինաստանի ռազմավարական ներգրավվածությունն ուժեղացնելու համար։
Պաշտպանության նախարարների բանակցություններում ընդգծվել է նաև, որ Ռուսաստանն ու Չինաստանը տեսնում են աշխարհի գլոբալ վերափոխման նույն ճանապարհը, որը դադարել է միաբևեռ լինելուց։
