Patriot ՀՕՊ համակարգն իր հրթիռների հետ միասին տեղափոխվել է Ուկրաինա։ Այս մասին գրում է РИА Новости-ն՝ վկայակոչելով Գերմանիայի կառավարության կայքի թարմացված ցուցակը։

Թարմացված ցուցակում, որտեղ պարբերաբար հրապարակվում են Կիևին գերմանական ռազմական օգնության մասին տվյալները, նշվում է, որ Գերմանիան Կիևին հրթիռներով հակաօդային պաշտպանության Patriot համակարգ է փոխանցել:

Բացի այդ, ուկրաինական կողմը Գերմանիայից ստացել է ևս 16 միավոր Zetros բեռնատար ավտոմեքենա։ Այսպիսով, Կիևն ունի ընդհանուր առմամբ 76 նման բեռնատար։ Բացի այդ, Ուկրաինային է փոխանցվել սահմանապահ պահպանության ևս 2 մեքենա։ Ընդհանուր առմամբ, երկիրը Գերմանիայից ստացել է 124 նման մեքենա։