Ուկրաինայի առաջին տիկինը ընդգրկվել է 100 ամենաազդեցիկ մարդկանց ցուցակում

Ամերիկյան Time ամսագրի 2023 թվականի մոլորակի 100 ամենաազդեցիկ մարդկանց ցուցակում են Ուկրաինայի առաջին տիկին Օլենա Զելենսկայան և Նոբելյան մրցանակակիր իրավապաշտպան Օլեքսանդրա Մատվիյչուկը։

Նրանցից բացի այս կատեգորիայի մեջ են մտնում նաև ԱՄՆ նախագահ Ջո Բայդենը, Գերմանիայի կանցլեր Օլաֆ Շոլցը, The Wall Street Journal-ի լրագրող Էվան Գերշկովիչը, ով ձերբակալվել է Պուտինի հրամանով և այլոք։

ԱՄՆ առաջին տիկին Ջիլ Բայդենը, ներկայացնելով Զելենսկայային, նրա մասին այսպես է խոսում. «Ելենա Զելենսկայան չէր սպասում, որ կդառնա Ուկրաինայի ժողովրդի ռազմիկը, բայց նա անձնուրաց խիզախությամբ պատասխանեց այս մարտահրավերին։

Նա կարող էր վերցնել իր ընտանիքը և փախչել: Ո՞ր մայրը նրան կմեղադրի: Բայց նա մնաց, որովհետև ազատությունն ու ժողովրդավարությունը պաշտպանների կարիք ունեն։ Նա մնում է աշխարհին ցույց տալու, որ սիրտն ու հույսը կարող են նույնիսկ ամենամեծ բռնակալին փոքր թվալ: Նա մնում է հանուն իր երեխաների՝ հանուն նրանց ապագայի և բոլոր ուկրաինացիների ապագայի»։