Վերջերս ուկրաինական զորքերի վիճակը նկարագրող ամերիկյան գաղտնի փաստաթղթերի արտահոսքի պատճառով Կիևում ռազմական պլանների մի մասը փոխվել է։  Այս մասին հայտարարել է ամերիկյան CNN հեռուստաալիքը՝ հղում անելով Ուկրաինայի նախագահ Վլադիմիր Զելենսկիին մոտ կանգնած անանուն աղբյուրին։ 

«Ուկրաինան արդեն փոխել է իր որոշ ռազմական պլաններ տեղեկատվության արտահոսքի պատճառով»,- նշվում է զեկույցում։ 

Հրապարակման մեջ չի նշվում, թե կոնկրետ ինչից են բաղկացած լինելու այս փոփոխությունները, և ինչ մասշտաբի են դրանք լինելու։ 

Ավելի վաղ The New York Times-ը նշել էր, որ ԱՄՆ իշխանությունները աշխատում են այդ փաստաթղթերը սոցցանցերից հեռացնելու ուղղությամբ, սակայն մինչ այժմ դա հնարավոր չի եղել անել։ 

Ինչպես հայտնում է Reuters-ը, վկայակոչելով երկու անանուն ամերիկացի պաշտոնյաների, իշխանությունները փնտրում են բացահայտված փաստաթղթերի աղբյուրը: 

Միևնույն ժամանակ, ԱՄՆ-ում չեն բացառել, որ ցանցում հայտնված գաղտնի փաստաթղթերը կարող են կեղծ լինել։