![Հրադադարի խախտում՝ Մարտունու շրջանում․ ՌԴ ՊՆ-ն՝ Արցախում իրավիճակի մասին](https://auroranews.am/storage/img/base_image/old/a23be981f4969a00251e2cbf69378b0b.webp)
Հրադադարի խախտում՝ Մարտունու շրջանում․ ՌԴ ՊՆ-ն՝ Արցախում իրավիճակի մասին
![Հրադադարի խախտում՝ Մարտունու շրջանում․ ՌԴ ՊՆ-ն՝ Արցախում իրավիճակի մասին](https://auroranews.am/storage/img/base_image/old/a23be981f4969a00251e2cbf69378b0b.webp)
Ապրիլի 9-ին Մարտունու շրջանում հրադադարի ռեժիմի խախտում է գրանցվել։ Զոհեր և վիրավորներ չկան։ Այս մասին նշում է ՌԴ ՊՆ-ն իր ամենօրյա տեղեկագրում։
Հաղորդվում է, որ հրադադարի խախտման փաստով ռուսական խաղաղապահ զորախմբի հրամանատարությունը հետաքննություն է իրականացնում։
Ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։ Երեսուն դիտակետերում ռուս խաղաղապահները շուրջօրյա վերահսկում են իրավիճակը և հրադադարի ռեժիմի պահպանումը։
Մարտակերտի, Մարտունու և Շուշիի շրջաններում պարեկություն է իրականացվել երեք երթուղիներով։
Ընդհանուր առմամբ, 2020 թվականի նոյեմբերի 23-ից ռուսական խաղաղապահ կոնտինգենտի ինժեներական և սակրավորական խմբերը մաքրել են 2527,3 հեկտար տարածք, 689,5 կմ ճանապարհ, 1940 շենք չպայթած ականներից և արկերից, 26790 պայթուցիկ սարքեր են հայտնաբերվել։
Ռուս խաղաղապահների անվտանգությունն ապահովելու և հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ։