Իդլիբում բախումներ են տեղի ունեցել կառավարական զորքերի և զինյալների միջև
Սիրիայի Իդլիբ նահանգում բախումներ են տեղի ունեցել սիրիական բանակի զինծառայողների և «Հայաթ Թահրիր աշ Շամ» ահաբեկչական կազմակերպության զինյալների միջև: Տեղեկությունը փոխանցում է ТАСС գործակալությունը:
Նշվում է, որ Al Mayadeen հեռուստաալիքի տեղեկատվությամբ՝ կատաղի բախումները սիրիական բանակի և «Հայաթ Թահրիր աշ Շամ»-ի կողմնակիցների միջև Իդլիբի նահանգի հարավում գտնվող Էլ Ֆաթատրա գյուղի շրջանում սկսվել են այն բանից հետո, երբ գրոհայինները «փորձել են հասնել սիրիացի զինվորականների դիրքերին»:
Միջադեպի հետեւանքների մասին տեղեկություն չի հաղորդվում։
Իդլիբը Սիրիայի միակ շրջանն է, որի զգալի մասը դեռևս մնում է անօրինական զինված խմբավորումների, այդ թվում՝ «Ջաբհաթ ան Նուսրա» խմբավորման ահաբեկիչների ձեռքում։ 2017 թվականին այնտեղ ստեղծվեց դեէսկալացիայի գոտի, որտեղ շարժվեցին զինյալները, ովքեր հրաժարվեցին զենքերը վայր դնել Դամասկոսի մոտ գտնվող Արևելյան Ղուտայում և երկրի հարավային շրջաններում։
