Ռուսաստանում կստեղծեն քաղաքական ալգորիթմով արհեստական բանականություն՝ Ժիրինովսկու անունով
Ռուսաստանում կստեղծեն նեյրոնային ցանց, ավելի ճիշտ՝ քաղաքական արհեստական բանականություն՝ Ժիրինովսկու անունով։ Ալգորիթմը կպատրաստվի Վլադիմիր Ժիրինովսկու գիտական աշխատությունների, ելույթների և մեկնաբանությունների հիման վրա, ասել է LDPR կուսակցության առաջնորդ Լեոնիդ Սլուցկին։ Այս մասին գրում է glavny.tv-ին:
«Նեյրոնային ցանցը կգնահատի այն, ինչ կատարվում է աշխարհում, ինչպես նաև կանի կանխատեսումներ, ինչպես ինքն է արել Ժիրինովսկին։ Ալգորիթմի մշակմանը կներգրավվեն հայրենական լավագույն մասնագետները»-նշել է Սլուցկին։
Սլուցկու խոսքով` նրա բոլոր գիտական աշխատանքները, ելույթները, նամակները, մեկնաբանությունները կթվայնացվեն։
«Արհեստական ինտելեկտի օգնությամբ մենք ստեղծում ենք Ժիրինովսկու աշխարհում առաջին քաղաքական ալգորիթմը»,- գրել է Սլուցկին իր Telegram ալիքում։
Նեյրոնային ցանցի օգնությամբ ստացված կանխատեսումները պետք է ծառայեն ոչ միայն Ռուսաստանի, այլեւ աշխարհի զարգացմանը, եզրափակել է Լիբերալ-դեմոկրատական կուսակցության նախագահը։
Ավելի վաղ հաղորդվել էր, որ Ժիրինովսկին երկրաշարժ է կանխատեսել Թուրքիայում և Սիրիայում։ Ինչպես նաև 2024 թվականին Մերձավոր Արևելքի հակամարտությունը, որից հետո ոչ ոք այլևս չի խոսի Ուկրաինայի մարտերի մասին:
