Ադրբեջանում ցանկացել են զինված անկարգություններ կազմակերպել․ ձերբակալել են խմբի անդամների
Ադրբեջանի իրավապահ մարմիններն այսօր հայտնել են հանրապետության վեց քաղաքացիների ձերբակալության մասին, որոնք ծրագրում Էին զինված անկարգություններ կազմակերպել երկրում՝ իշխանությունը զավթելու և կրոնական պետություն ստեղծելու նպատակով։
«Բացահայտվել է, որ Իրանում բնակվող և իրանական հատուկ ծառայությունների հետ համագործակցող Ռուֆուլլա Ախունդզադեն և Բախտիյար Բայրամովը համագործակցության են ներգրավել Թարթառի շրջանի բնակիչ Արիֆ Ջումշուդովին և նրան հանձնարարել ստեղծել «դիմադրության խումբ»՝ Ադրբեջանի տարածքում զինված անկարգություններ, իշխանության զավթում, երկրի սահմանադրական կարգի բռնի փոփոխում կազմակերպելու և շարիաթի օրենքներով կառավարվող կրոնական պետություն ստեղծելու համար», - ասված է Ադրբեջանի ներքին գործերի նախարարության, Պետական անվտանգության ծառայության և Գլխավոր դատախազության համատեղ հաղորդագրության մեջ:
Իրավապահների տվյաներով՝ Ջումշուդովն իր հերթին համագործակության Է ներգրավել իր մի քանի ծանոթների։
Բացի դրանից, իրավապահ մարմինների տվյալներով, խմբի անդամները կազմակերպել են Իրանից «նպատակադրված ուղարկվող» թմրամիջոցների վաճառք և դրանց վաճառքից ստացված խոշոր գումարներն օգտագործել են Ադրբեջանում արմատականության քարոզման և այլ քայքայիչ գործունեության ֆինանսավորման համար:
