Բերման է ենթարկվել Սանկտ Պետերբուրգի սրճարանում տեղի ունեցած պայթյունի գործով կասկածյալը

Դարիա Տրեպովան, ով կալանավորվել է ռազմական մեկնաբան Վլադլեն Տատարսկու սպանությանը մասնակցության կասկածանքով, խոստովանել է, որ սրճարան է բերել արձանիկ, որը պայթել է։ Այս մասին աղջիկը խոսել է երկուշաբթի օրը ՌԴ ՆԳՆ մամուլի կենտրոնի տրամադրած տեսանյութում։

«Ես այնտեղ արձանիկ եմ տարել, որը պայթել է», - ասել է նա: Նա խոստացել է ավելի ուշ հայտնել այլ մանրամասներ:

Հետաքննություն է ընթանում՝ պարզելու, թե ով է կազմակերպել պայթյունը, որի հետևանքով սպանվել է Կրեմլամետ հայտնի ռազմական մեկնաբան Մաքսիմ Ֆոմինը, ով աշխատում էր «Վլադլեն Տատարսկի» կեղծանունով։

Հիշեցնենք՝ Սանկտ Պետերբուրգում պայթյուն է որոտացել «Стрит-бар» սրճարանում։ Պայթյունի հետևանքով զոհվել է ռազմական մեկնաբան Վլադլեն Տատարսկին