ՏԵՍԱՆՅՈՒԹ․ Տեսախցիկը ֆիքսել է ելույթի ժամանակ ակրոբատի վայր ընկնելու պահը․ ՌԴ
Սոցցանցերում տեսանյութ է հայտնվել, որտեղ ֆիքսված է արտակարգ դեպքի պահը, որը տեղի է ունեցել կիրակի օրը՝ ապրիլի 2-ին, Նովոսիբիրսկում կրկեսային ներկայացման ժամանակ։
Կադրերում երևում է, թե ինչպես է հնարքի կատարման ժամանակ արտիստը վայր ընկնում և գլխով հարվածում անվտանգության գորգին։ Նրան անմիջապես օգնության են հասնում գործընկերները:
Տուժածին շտապօգնության մեքենայով տեղափոխել են հիվանդանոց, որտեղ տղամարդը հետազոտվել է, կատարվել է ՄՌՏ և ցուցաբերվել անհրաժեշտ օգնություն։
«Այս ամբողջ ընթացքում արտիստի գիտակցությունը տեղն է եղել, վերջույթների կաթված չկա»,- ընդգծվում է հաղորդագրության մեջ։
Ենթադրվում է, որ ակրոբատը ստացել է ուղեղի թեթև ցնցում և սալջարդ, նա առաջիկա երկու-երեք օրը կանցկացնի հիվանդանոցում՝ բժիշկների հսկողության տակ։
