Մահացել է «Գազպրոմ Արմենիայի» գլխավոր տնօրենը
Կյանքի 61-րդ տարում մահացել է «Գազպրոմ Արմենիա» ՓԲԸ վարչության նախագահ և գլխավոր տնօրեն Հրանտ Թադևոսյանը, հաղորդում է ընկերության մամուլի ծառայությունը:
««Գազպրոմ Արմենիա» ՓԲԸ-ն խորին ցավով հայտնում է, որ 2023 թվականի մարտի 24-ին 60 տարեկան հասակում կյանքից հեռացավ «Գազպրոմ Արմենիա» ՓԲԸ Վարչության նախագահ - Գլխավոր տնօրեն Հրանտ Թադևոսյանը»,- նշվում է հաղորդագրության մեջ։
Միևնույն ժամանակ մահվան պատճառները ընկերությունում չեն հայտնել։
Թադևոսյանը «Գազպրոմ Արմենիան» գլխավորում էր 2016 թվականի հոկտեմբերից։
