Հայաստանը դիմել է «Ռոսատոմին» երկրում քիմիական ձեռնարկությունները ստուգելու համար
Հայաստանը դիմել է «Ռոսատոմին» ՝ խնդրելով ստուգել ՀՀ տարածքում գտնվող քիմիական ձեռնարկությունները դրանց հնարավոր քանդման համար։ Այս մասին հայտնում է РИА Новости-ն՝ հղում տալով ՌԴ փոխվարչապետ Վիկտորյա Աբրամչենկոյին։
Նշվում է, որ «Ռոսատոմն» այժմ զբաղվում է Իրկուտսկի մարզի Ուսոլյե-Սիբիրսկոյեի նախկին քիմիական կոմբինատի ապամոնտաժմամբ:
Ավելի վաղ Վիկտորյա Աբրամչենկոն ասել էր, որ այդ կոմբինատի տարածքում իրականացվող աշխատանքը եզակի է համաշխարհային պրակտիկայի համար, և այդ փորձը Ռուսաստանին թույլ կտա վտանգավոր թափոնների վերացման ծառայություններ մատուցել արտերկրում։
Լրատվամիջոցը գրում է, որ «Ռոսատոմը» արդյունաբերական ձեռնարկություններում վտանգավոր թափոնների վերացման բացառիկ որակավորում ունի։
