ՏԵՍԱՆՅՈՒԹ. Փարիզը` կրակի և ծխի մեջ. բախումներ Ֆրանսիայում
Գիշերը Փարիզը կրակի և ծխի մեջ է եղել։ Քաղաքում այրվել է մարտի 9-ից կուտակված գրեթե ողջ աղբը (աղբահանողները մարտի 9-ից գործադուլ են անում)։
Ֆրանսիայում արդեն մի քանի շաբաթ է` բողոքի ցույցեր են անցկացվում ընդդեմ կենսաթոշակային բարեփոխումների։ Ցույցերն ուղեկցվում են ուժայինների հետ բախումներով։
Բողոքի ակցիայի մասնակիցները աղբ են վառում Ֆրանսիայի մայրաքաղաքի փողոցներում, հրավառություն են անում ուժայինների ուղղությամբ և ոստիկաններին դրդում դաժան ձերբակալությունների։ Ոստիկանությունն իր հերթին արցունքաբեր գազ է օգտագործում։
Փարիզում և Ֆրանսիայի այլ քաղաքներում բողոքի ցույցերն ու անկարգությունները շարունակվում են շաբաթներ շարունակ։ Մակրոնի գլխավորած կառավարության կողմից ընդունված կենսաթոշակային բարեփոխումների հետ բուռն անհամաձայնության համար արդեն կալանավորվել է 855 մարդ։
