ՏԵՍԱՆՅՈՒԹ․ Բռնի ուժով աղջկան նստեցնում է բեռնախցիկում և տանում անհայտ ուղղությամբ․ ՌԴ

Օրենբուրգում տղամարդը բռնի ուժով աղջկան նստեցրել է բեռնախցիկում և տարել անհայտ ուղղությամբ, հայտնում է «МВД Медиа»-ն։

Տեղի բնակչուհին հայտնել է ոստիկանություն, որ իր ընկերուհուն բռնի ուժով նստեցրել են մեքենան քաղաքի ծայրամասում գտնվող գազալցակայանում և տարել անհայտ ուղղությամբ։ Այս մասին նրան հեռախոսով պատմել է ընկերուհին։

Հասնելով գազալցակայան՝ ոստիկաններն ուսումնասիրել են դրսի տեսախցիկի ձայնագրությունը։ Այստեղից երևում է, որ աղջիկը փորձել է օգնություն խնդրել բենզալցակայանի աշխատակիցներից և վազել է դեպի դուռը, սակայն տղամարդը բռնել է նրան և հետ քաշել դեպի մեքենան։ Իրավապահները կողմնորոշումը փոխանցել են այլ բրիգադների, արտասահմանյան ավտոմեքենան կանգնեցվել է Օրենբուրգ-Իլեկ ճանապարհին։

Ճանապարհային ոստիկանության աշխատակիցները բերման են ենթարկել 34-ամյա վարորդին և աղջկան դուրս բերել բեռնախցիկից։ Պարզվել է, որ ձերբակալվածը տուժողի ընկերն է՝ նախկինում դատվածություն չունենալով։ Այժմ ոստիկանությունը պարզում է դեպքի հանգամանքները։