Ռուսաստանը միակն է, որ ունի ռազմավարական հիպերձայնային համակարգեր․ ԱՄՆ ռազմական հետախուզություն․ ԶԼՄ

Ռուսաստանն աշխարհում միակ երկիրն է, որն ունի ռազմավարական հիպերձայնային համակարգեր, ասել է ԱՄՆ ռազմական հետախուզական գործակալության գիտության և տեխնիկայի առաջատար մասնագետ Փոլ Ֆրեյսլերը։ Այս մասին գրում է Kp.ru-ն։

«SS-19 Mod 4 (Vanguard) համակարգը հասել է իր նախնական գործառնական կարողություններին 2018 թվականին և հանդիսանում է աշխարհում միակ տեղակայված ռազմավարական հիպերձայնային համակարգը», - ասել է նա Միացյալ Նահանգների Կոնգրեսում լսումների ժամանակ:
 

Ֆրեյսլերն ասել է, որ Վաշինգտոնի մրցակիցները համակարգեր են մշակում, որոնք կարող են «վտանգի տակ պահել ԱՄՆ-ին»: Ըստ նրա՝ հիպերձայնային հրթիռները հենց այդպիսին են․ նախատեսված են ամերիկյան սենսորներից և պաշտպանական համակարգերից խուսափելու համար։

Ինչպես գրում է կայքը՝ ավելի վաղ ԱՄՆ Սենատի հետախուզության հարցերով հանձնաժողովի լսումների ժամանակ հրապարակված զեկույցում նշվել է, որ Ռուսաստանը պահպանում է միջուկային զենքի ամենամեծ և ամենահզոր պաշարը, շարունակում է ընդլայնել և արդիականացնել իր հնարավորությունները միջուկային զենքի ոլորտում