Դեռ կարմրուկի լոկալ բռնկման շրջանակից դուրս չենք եկել․ Ավանեսյան
Ամեն օր հրապարակվում է կարմրուկի նոր դեպքերի վիճակագրությունը, ունենք թվերի աճ։ Այս մասին լրագրողների հետ զրույցում ասել է Առողջապահության նախարար Անահիտ Ավանեսյանը։
«Այս պահին դեռ լոկալ բռնկման շրջանակից դուրս չենք եկել, բայց շաբաթվա վերջում բռնկման տենդենցի վերաբերյալ կունենանք հստակ պատկերացում»,- ասել է Ավանեսյանը։
Անդրադառնալով Առողջապահության նախկին նախարար Արսեն Թորոսյանի այն պնդմանը, որ կարմրուկի դեպքը բերվել է ոչ թե դրսից, այլ փոխանցվել է վարակված բուժաշխատողներից մեկի միջոցով, Ավանեսյանը ասել է, որ ասուլիսի ժամանակ ներկայացրել է ամբողջ համաճարակային հետազոտության արդյունքները։
«Վարակվածների մեծ մասը երեխաներ են, ունենք քաղաքացիներ, ովքեր ստացել են առաջին դեղաչափը, բայց վարակված են, նրանց վիճակը բավական լավ է»,- ասել է Ավանեսյանը։
