ՏԵՍԱՆՅՈՒԹ. Արայիկ Հարությունյանը ահաբեկում է Արցախի ժողովրդին. պատգամավոր
«Ես էլ Արայիկ Հարությունյանին հարցնում եմ՝ եթե դու նման հարցադրում ես անում, ի՞նչ նպատակ ես հետապնդում»,- ասել է «Հայաստան» խմբակցության պատգամավոր Գեղամ Նազարյանը ` պատասխանելով 24News-ի այն հարցին, թե ինչ նպատակ էր հետապնդում ԱԽ նիստի ժամանակ ԱՀ նախագահ Արայիկ Հարությունյանի՝ Ադրբեջանին ինտեգրվելու մասին հարցադրումը:
«Պարզ է, չէ՞, Ադրբեջանը ինչ է երազում։ Մենք գիտենք, չէ՞, Ադրբեջանի երազանքներն ու ցանկությունները, դրա մասին ինչո՞ւ է բարձրաձայնում Արցախի ղեկավարը։ Չէ՞։ Պետք է էդ հարցը մենք տանք»,-ասել է նա, ապա հավելել, որ կուզենար՝ հարցին հենց Արայիկ Հարությունյանը պատասխաներ։
«Ինքը այնտեղ է, որ էդ խնդիրները կարգավորի, ինքը ԱՀ նախագահն է, ԱՀ-ի՛, ոչ թե Ադրբեջանի ինչ-որ շրջանի հայերի միության նախագահն է։ Ինքը էդ հարցադրումն անելու փոխարեն պետք է սուսուփուս էդ անվտանգային խնդիրները լուծեր»,-ասել է պատգամավորը, ապա հավելել․
«Ո՞նց կարելի է 120 հազար մարդու սարսափի մեջ պահել. եթե չհամաձայնվեք, պատրաստվում են ուժ գործադրեն»։
