Թուրքիայի հարավում 4,5 մագնիտուդով երկրաշարժ է տեղի ունեցել
Թուրքիայի հարավում գտնվող Հաթայ նահանգում կիրակի օրը 4,5 մագնիտուդով երկրաշարժ է տեղի ունեցել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։
Աղբյուրի հաղորդմամբ՝ ստորգետնյա ցնցումների էպիկենտրոնը գտնվել է Իսկենդերուն քաղաքից 19 կմ հյուսիս: Քաղաքն ունի մոտ 159 հազար բնակիչ։
Զոհերի և ավերածությունների մասին տեղեկություններ չկան։
