«Ուկրաինան միշտ եղել է Եվրոպա». Զելենսկին կոչով է հանդես եկել

Ուկրաինայի նախագահ Վլադիմիր Զելենսկին կոչ է արել Ուկրաինայի՝ Եվրամիությանն անդամակցելու շուրջ բանակցությունները սկսել 2023 թվականին։

«Ուկրաինան միշտ եղել է Եվրոպա, Ուկրաինան միշտ կլինի Եվրոպա: Մենք դա արդեն երաշխավորել ենք: Մեկ տարի առաջ՝ լայնածավալ պատերազմի հինգերորդ օրը, Ուկրաինան դիմեց Եվրամիությանն անդամակցելու և թեկնածուի կարգավիճակ ստացավ: Այս տարի ժամանակն է որոշել, անդամակցության շուրջ բանակցություններ սկսել»,- գրել է նա Twitter-ի իր էջում։

Հիշեցնենք` Զելենսկին անցյալ տարվա փետրվարի 28-ին ստորագրել է ԵՄ-ին Ուկրաինայի միանալու դիմումը։ Եվրամիության պետությունների և կառավարությունների ղեկավարները հունիսի 23-ին Բրյուսելում կայացած գագաթնաժողովում հավանություն են տվել Ուկրաինային և Մոլդովային միությանը միանալու թեկնածուների կարգավիճակ տրամադրելուն։ Բանակցություններ սկսելու համար երկրները պետք է կատարեն մի շարք պայմաններ, ներառյալ բարեփոխումները և ուժեղացնելով պայքարը կոռուպցիայի դեմ։