ՏԵՍԱՆՅՈՒԹ. «Ես սպիտակ տղա եմ, բայց ես հիմար չեմ». Բայդենը հերթական անգամ հայտնվել է մամուլի ուշադրության կենտրոնում

 ԱՄՆ նախագահ Ջո Բայդենը հերթական անգամ հայտնվել է մամուլի ուշադրության կենտրոնում, այս անգամ իր` «Black History Month» (Սևամորթների պատմության ամիս) ամենամյա միջոցառման շրջանակում ունեցած իր ելույթով:

«Ես սպիտակ տղա եմ, բայց ես հիմար չեմ. գիտեմ, թե ինչ է իրական ուժը»,- ասել է Բայդենը:  Ոմանք վերոնշյալ արտահայտությունն անվանել են  ինքնանվաստացնող հումոր:

80-ամյա նախագահն այս տարօրինակ արտահայտությունն արել է այն բանից հետո, երբ կատակել է Ներկայացուցիչների պալատի փոքրամասնության առաջնորդ Հեքիմ Ջեֆրիսի մասին, ասելով, որ վերջինս այլևս չի խոսում իր հետ:

«Ես վաղուց եմ իմացել իրական ուժի մասին և գիտեմ The Divine Nine-ի մասին մասին... Ես սպիտակ տղա եմ, բայց ես հիմար չեմ. գիտեմ, թե ինչ է իրական ուժը»,- ասել է Բայդենը՝ նկատի ունենալով աֆրոամերիկյան ընկերությունների խմբին: