Ֆինլանդիան սկսել է պարիսպ կառուցել Ռուսաստանի հետ սահմանին
Ֆինլանդիան սկսել է Ռուսաստանի հետ սահմանին պարսպի կառուցումը: Աշխատանքները սկսվել են Իմատրայի սահմանային անցակետից, որտեղ երկուշաբթի օրն արդեն սկսել են ծառեր հատել։Ակնկալվում է, որ առաջին հերթին կտեղադրվի 3 կիլոմետր երկարությամբ փորձնական հատված։ Այս մասին հայտնում է Lenta.ru-ն:
Արժեքը գնահատվում է 6 մլն եվրո։ Բուն պարսպի կառուցումը կսկսվի մարտին և պետք է ավարտվի հունիսին։
Հայտնի է, որ պարսպի բարձրությունը կլինի 3 մետր, դրա վրա կտեղադրվեն տեսախցիկներ, լուսարձակներ, բարձրախոսներ։
Ընդհանուր առմամբ, նախատեսվում է կառուցել 200 կիլոմետր երկարությամբ պարիսպ։ Ընդ որում, Ռուսաստանի և Ֆինլանդիայի միջև սահմանի ընդհանուր երկարությունը 1300 կիլոմետր է։
Այս պահին տեղում հողային աշխատանքներ են իրականացվում, շինարարական ծրագրերով նախատեսվում է նաև ճանապարհի կառուցում և անվտանգության տեսախցիկների տեղադրում։
Գաղափարի համաձայն՝ պա կօգնի կանխել ապօրինի մուտքը Ֆինլանդիա, ասել է սահմանապահ ծառայությունը՝ ընդգծելով, որ այն պետք է տեւի 50 տարի։ Ավելի ուշ նախաձեռնությունը ստացել է վարչապետ Սաննա Մարինի աջակցությունը:
