«Ամոթ չունես, կեցցես». ընդդիմադիր գործիչներն արձագանքում են Էրդողանին
Թուրքիայում մեծ աղմուկ է հանել Թուրքիայի նախագահ Ռեջեփ Թայիփ Էրդողանի այն հայտարարությունը, որի ժամանակ նա «ներողամտություն է հայցել» թուրք ժողովրդից ավերիչ երկրաշարժների համար։ Այս մասին գրում է Ermenihaber-ը:
Նրա հայցած ներողամտությանն արձագանքել են մի շարք ընդդիմադիր գործիչներ։ Մասնավորապես նախկին վարչապետ, իսկ այժմ ընդդիմադիր «Ապագա կուսակցության» ղեկավար Ահմեթ Դավութօղլուն գրառում է արել. «Երբ գլուխդ դնում ես բարձին, մի պահ մտածիր, արդյո՞ք փլատակների տակ մահացածներն իրենց վերջին շնչի ժամանակ ներեցին քեզ»:
Իսկ քրդամետ «Ժողովուրդների դեմոկրատական կուսակցության» նախկին համանախագահ Սելահաթթին Դեմիրթաշն արձագանքել է հետևյալ կերպ.
«Դուք պատասխանատու եք 100 հազար մարդու մահվան համար ու հրաժարական տալու փոխարեն դեռ մտածում եք թեկնածու լինելու մասի՞ն։ Ամոթ չունես, կեցցես»։
