Թուրքիայի զինված ուժերի 100 զինվորական զոհվել է երկրաշարժի հետևանքով. Աքարը մանրամասնում է

Փետրվարի 6-ին տեղի ունեցած ավերիչ երկրաշարժերի հետևանքով, որի էպիկենտրոնը եղել է Քահրամանմարաշ նահանգը, զոհվել է Թուրքիայի զինված ուժերի մինչև 100 զինվորական։ Այս մասին TRT Haber հեռուստաալիքի եթերում հայտարարել է երկրի ազգային պաշտպանության նախարար Հուլուսի Աքարը։

Թուրքիայի պաշտպանության գերատեսչության ղեկավարի խոսքով՝ երկրաշարժի հետևանքով վիրավորվել է 66 զինվոր։ Բացի այդ, երկու զինծառայողներ համարվում են անհետ կորած։

Հիշեցնենք` փետրվարի 6-ին Քահրամանմարաշում երկու երկրաշարժ է տեղի ունեցել՝ ավելի քան յոթ բալ ուժգնությամբ: Ավերիչ երկրաշարժերի զոհերի թիվը գերազանցել է 43,5 հազարը։