Ներկայացում էր․ Լավրովը՝ Բայդենի՝ Կիև այցի և Ուկրաինային տրվելիք նոր ռազմական փաթեթի մասին
ՌԴ ԱԳՆ ղեկավար Սերգեյ Լավրովը ԱՄՆ նախագահ Ջո Բայդենի՝ Կիեւ այցը, ինչպես նաեւ Ուկրաինային Վաշինգտոնի խոստացած ռազմական օգնության նոր փաթեթը ներկայացում է անվանել, հայտնում է РИА Новости-ն։
«Ներկայացում է։ Եվ այդպես էլ շարունակվում է։ Ամեն ինչ գործում է այս ուղղությամբ՝ մեր նախկին արեւմտյան գործընկերների եւ նացիստական ռեժիմը փրկելու տեսակետից։ Փորձերն ապարդյուն են», - լրագրողներին ասել է Լավրովը։
Երկուշաբթի հայտնի է դարձել, որ Բայդենը մեկօրյա այցով մեկնել է Կիև։ Հակառակ հաստատված պրակտիկային՝ ԱՄՆ վարչակազմը հանրությանը չի տեղեկացրել ճանապարհորդության մասին։ Ավելին, Սպիտակ տան ներկայացուցիչները բազմիցս հերքել են, որ նախագահը նախատեսում է այցելել Ուկրաինա։ Պետության ղեկավարի՝ լրագրողներին բաժանված աշխատանքային գրաֆիկում սկզբում ասվում էր, որ Բայդենը երկուշաբթի երեկոյան մեկնելու է Վարշավա, և նրա նոր արտասահմանյան այցը սահմանափակվելու է Լեհաստան այցելությամբ։
Բացի այդ, երկուշաբթի Միացյալ Նահանգները հայտարարել է Կիեւին 460 միլիոն դոլարի օգնության նոր փաթեթի մասին: Այս հայտարարությունը համընկել է նախագահ Բայդենի՝ Կիեւ կատարած չհայտարարված այցի հետ:
