Ռիշի Սունակն օգնել է կամավորներին փաթեթավորել Սիրիա և Թուրքիա ուղարկվող օգնությունը
Մեծ Բրիտանիայի վարչապետ Ռիշի Սունակը հինգշաբթի հանդիպել է կամավորների հետ նվիրատվության կենտրոնում, որը ստեղծվել է այդ երկրի մայրաքաղաքում՝ թե՛ Թուրքիային և թե՛ Սիրիային պատուհասած հզոր երկրաշարժերից փրկվածների համար: Սունակը խոսել է Լոնդոնի համալսարանական քոլեջի (UCL) ուսանողների հետ և օգնել նրանց հավաքել իրերը կենտրոնում, փաթեթավորել դրանք, ինչպես նաև նվիրաբերել է գլխարկներ, շարֆեր և վերմակներ:
«Դժվար է հասկանալ Թուրքիայում և Սիրիայում տեղի ունեցած ողբերգության մասշտաբները. գրեթե 20,000 մարդ է կորցրել իրենց կյանքը (և ավերվել են քաղաքներ։ Ես վստահ եմ, որ բոլորը տեսել են ծնողների նկարները, որոնք փորձում են փլատակների տակից գտնել իրենց երեխաներին, նորածիններին, փոքրիկներին»,- ասել է նա Twitter-ում հրապարակված տեսանյութում։
