Կառավարության որոշմամբ՝ Հայաստանը փրկարարներ կուղարկի Թուրքիա․ Tert. am (ոչ պաշտոնական)

Հայաստանը կաջակցի Թուրքիային՝ երկրաշարժի հետևանքները վերացնելու հարցում, այս մասին գրում է Tert. am-ը՝ հղում անելով իր տեղեկություններին։ 

Լրատվամիջոցը նշում է, թե Կառավարությունն արդեն հաստատել է Ներքին գործերի նախարարության փրկարարական ծառայության ներկայացուցիչների՝ Թուրքիա այցի վերաբերյալ որոշումը։  Հայկական փրկարարական խումբը թուրք–սիրիական սահմանին երկրաշարժից տուժած հատվածում որոնողափրկարարական աշխատանքներ կիրականացնի։

Նշվում է նաև, որ այս պահին ընթանում են կազմակերպչական աշխատանքներ։

Auroranews - ը փորձեց տեղեկությունը ճշտել ՀՀ կառավարության լրատվության բաժնից։ Բաժնի ղեկավար Արմեն Խաչատրյանն ասաց, թե տեղեկությունը պետք է ճշտել ԱԻՆ-ից, իսկ ԱԻՆ մամուլի խոսնակ Հայկ Կոստանյանին, նախարարի մամուլի քարտուղարի հեռախոսահամարներին կատարած մեր զանգերը մնացին անպատասխան։