Թուրքական լրատվականը նշում է, թե 57 հայ փրկարար է մեկնել Թուրքիա․ Հայաստանից հերքում են
Ադրբեջանագետ Գառնիկ Դավթյանը ֆեյսբուքի իր էջում կիսվել է թուրքական Milliyet լրատվականի հոդվածով, որում ասվում է, թե Հայաստանից Թուրքիա է գնացել 57 հայ փրկարար։
Auroranews-ը տեղեկությունը ճշտելու նխատակով կապ հաստատեց ՆԳՆ մամուլի պատասխանատու Աշոտ Ահարոնյանի հետ։ Ահարոնյանը նշեց, որ ճիշտ կլինի վստահենք Հայաստանում հրապարակված պաշտոնական տվյալներին։
Նա ևս մեկ անգամ վերահաստատեց՝ Թուրքիա են մեկնել 27, Սիրիա՝ 29 հայ փրկարարներ։
Հիշեցնենք՝ փետրվարի 6-ին և 7-ին ավերիչ երկրաշարժ տեղի ունեցավ Թուրքիայում և Սիրիայում, որից հետո մի շարք երկրներ իրենց օգնությունն առաջարկեցին այդ երկրներին։ Այդ թվում էր նաև Հայաստանը։
