Հայաստանը փրկարարական ջոկատներ է ուղարկում Սիրիա և Թուրքիա. ՀՀ ԱԳՆ
Այսօր Հայաստանի Հանրապետությունը, վարչապետ Նիկոլ Փաշինյանի որոշմամբ, փրկարարական ջոկատներ է ուղարկում Սիրիա և Թուրքիա՝ աջակցելու ավերիչ երկրաշարժի հետևանքով տուժած շրջաններում իրականացվող որոնողափրկարարական աշխատանքներին:
Այս մասին Ֆեյսբուքի իր էջում գրել է ՀՀ ԱԳՆ մամուլի քարտուղար Վահան Հունանյանը:
Ավելի վաղ լրատվականներից մեկը հայտնել էր, որ Կառավարությունն արդեն հաստատել է Ներքին գործերի նախարարության փրկարարական ծառայության ներկայացուցիչների՝ Թուրքիա այցի վերաբերյալ որոշումը։
Auroranews - ը փորձեց տեղեկությունը ճշտել ՀՀ կառավարության լրատվության բաժնից։ Բաժնի ղեկավար Արմեն Խաչատրյանն ասաց, թե տեղեկությունը պետք է ճշտել ԱԻՆ-ից, իսկ ԱԻՆ մամուլի խոսնակ Հայկ Կոստանյանին, նախարարի մամուլի քարտուղարի հեռախոսահամարներին կատարած մեր զանգերը մնացին անպատասխան։
