Իրավիճակը Հայաստանի ճանապարհներին ժամը 17:30-ի դրությամբ. Լարսը դարձյալ փակ է
«Ճանապարհային դեպարտամենտ»-ից տեղեկացնում են, որ ժամը 17:30-ի դրությամբ, Ապարանի և Աշոցքի տարածաշրջաններում ձյուն է տեղում։
Վարդենյաց լեռնանցքը փակ է կցորդով տրանսպորտային միջոցների համար։
Միջպետական և հանրապետական նշանակության մյուս ավտոճանապարհները բաց են։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար։
Վարորդներին խորհուրդ է տրվում երթևեկել բացառապես ձմեռային անվադողերով։
