ՌԴ–ն չպետք է պարտվի Ուկրաինայում. Տրենինը բացատրել է հետևանքները ՀՀ–ի և մյուսների համար
Ռուսաստանի պարտությունը գլոբալ ապակայունացում կարող է առաջացնել, որը կանդրադառնա նաև Հայաստանի վրա․ ռուս քաղաքագետ Տրենին։ Փոխանցում է «SputnikԱրմենիան»։
«Ուկրաինական հակամարտության ելքից շատ բան է կախված Եվրասիայում, այդ թվում նաև Կովկասում։ Ռուսաստանի հաղթանակի արդյունքում, որը միանգամայն սպասելի է ռեսուրսների, մոտիվացիայի և խաղադրույքների տեսանկյունից, իրավիճակը Եվրասիայում ավելի կայուն կլինի։ Հաղթանակը նոր հնարավորություններ կստեղծի Ռուսաստանի համար հանդես գալու որպես համակարգաստեղծ տերություն։ Իսկ եթե դա տեղի չունենա, ապա մեզ սպասում են նոր հակամարտություններ և անկայունություններ, այդ թվում` Հարավային Կովկասում»,-նշել է Տրենինը։
«Երևանը ցանկություն ունի դիմել այլ հնարավոր դաշնակիցների և պոտենցիալ գործընկերների, դրանում դատապարտելի ոչինչ չկա։ Բայց որոշում կայացնելը շատ կարևոր է։ Ռուսաստանը ուշադիր հետևելու է, թե ինչ է կատարվում Հայաստանում»-, ասել է քաղաքագետը։
